KIU 8637, 12
XXe dynastie / Ramsès XI / Temple de Khonsou, Salle hypostyle / Paroi sud, moitié est / 2e registre
KIU 8681, 10
XXe dynastie / Ramsès XI / Temple de Khonsou, Salle hypostyle / Paroi sud, moitié ouest / 1er registre
KIU 8820, 2
XXe dynastie / Ramsès XI / Temple de Khonsou, Salle hypostyle / Moitié ouest / Architrave 2.o
KIU 8489, 2
XXIe dynastie / Hérihor / Temple de Khonsou, Cour / Moitié ouest / Architrave 1.o
ʿnḫ nṯr nfr qn ḥr rs-tp ḥḥy ȝḫt n ms sw sʿȝ Wȝst m mnw wrw sṯḥn sw m šn-bnr nb nswt bjty ḥqȝ Jpt-swt nb nḫt mr qn nb Tȝwy Ḥm-nṯr-tpy-ny-Jmn sȝ Rʿ sḥb rȝw-prw nyw psḏt Ḥry-Ḥr-sȝ-Jmn nswt nṯry wr ȝḫw swʿb Bnnt d wnn⸗s mj ȝḫt pt Rʿ wbn jm⸗s sḏfȝ~n⸗f ḫȝwt psḏt⸗s m ḫt nbt nfrt wʿbt jr⸗f n⸗w mȝʿt m-ḫt Tȝwy ḫr ʿnḫw jm⸗s nswt bjty ḥqȝ ʿȝ ḫpš nb Tȝwy Ḥm-nṯr-tpy-ny-Jmn sȝ Rʿ sȝ Jmn ʿn ḥry nst⸗f Ḥry-Ḥr-sȝ-Jmn mry Ḫnsw m Wȝst Nfr-ḥtp dw ʿnḫ ḏt
KIU 8491, 2
XXIe dynastie / Hérihor / Temple de Khonsou, Cour / Moitié ouest / Architrave 2.o
ʿnḫ nṯr nfr mj Jmn sḥḏ Tȝwy m wbn⸗f Jpt-swt m ḥb rʿ nb m mnw jr~n⸗f jmyt⸗s nswt bjty mry nṯrw [...] nb [...] nb [...] nb [...] Ḥm-nṯr-tpy-ny-Jmn sȝ Rʿ swʿb Bnnt m mȝwt nb jrt ḫt Ḥry-Ḥr-sȝ-Jmn nswt mnḫ ḫpr n Kmt sḥtp⸗f psḏt jmyt⸗s sʿȝ⸗f Wȝst m mnw wrw n jt⸗f Jmn d sw ḥr nst⸗f mḏḥ⸗f wjȝ⸗f m ʿš Ḫnty-š sẖkr m nbw r-ȝw⸗f nswt bjty Ḥm-nṯr-tpy-ny-Jmn sȝ Rʿ jṯ nfrt nb sḫmty nb jrt ḫt Ḥry-Ḥr-sȝ-Jmn mry Ḫnsw-Nfr-ḥtp dw ʿnḫ ḏt
KIU 8493, 2
XXIe dynastie / Hérihor / Temple de Khonsou, Cour / Moitié est / Architrave 1.e
ʿnḫ nṯr nfr n-wn-mȝʿ jty n ʿbʿ jm⸗f nb mnḫ jr ḫpr⸗sn wḥʿ jb mj ḫnty Ḥsrt nswt bjty Šmʿw Mḥw jr mnw ʿȝw m Jwnw Šmʿw d ḥtp nṯrw m ḫnw⸗sn nb Tȝwy Ḥm-nṯr-tpy-ny-Jmn sȝ Rʿ sḥb Bnnt sṯḥn sw mj ȝḫt pt nb ḫʿw Ḥry-Ḥr-sȝ-Jmn dw ʿnḫ jr mnw m Wȝst st ȝḫt sʿȝ njwt špst n qmȝ sw sḥtp psḏt jmyt⸗s m jrt mȝʿt nswt pn qn ḥr rs-tp ḥḥy ȝḫt n ms sw nswt bjty sḥtp Tȝwy wʿf ḫȝswt n rn⸗f sȝ Jmn nb Tȝwy Ḥm-nṯr-tpy-ny-Jmn sȝ Rʿ mry Bȝw Jwnw mr~n Rʿ m msktt nb ḫʿw Ḥry-Ḥr-sȝ-Jmn mry Mwt wrt nbt Jšrw dw ʿnḫ ḏd wȝs mj Rʿ ḏt
KIU 8494, 1
XXIe dynastie / Hérihor / Temple de Khonsou, Cour / Moitié est / Architrave 2.e
ʿnḫ nṯr nfr mjtt Rʿ wbn⸗f ʿnḫ rḫyt ʿȝ nrw nb šfyt sdȝdȝ ḫȝswt nbwt n rn⸗f nswt bjty ḥqȝ ȝwt-jb nb Tȝwy nb jrt ḫt swʿb Bnnt n nb⸗s Ḥm-nṯr-tpy-ny-Jmn sȝ Rʿ ny ẖt⸗f mry⸗f nb ḫʿw Ḥry-Ḥr-sȝ-Jmn dw ʿnḫ jr~n⸗f m mnw⸗f n jt⸗f Ḫnsw m Wȝst Nfr-ḥtp sqȝ pr⸗f m mnw wrw jr hrr kȝ⸗f sʿȝ sšm⸗f sḥb sḥ-nṯr⸗f m mnw nfrw r nḥḥ nswt bjty ḥqȝ Jpt-swt smnḫ Wȝst n ḏt nb Tȝwy Ḥm-nṯr-tpy-ny-Jmn sȝ Rʿ ny ẖt⸗f mry⸗f nb ḫʿw mj Jtm Ḥry-Ḥr-sȝ-Jmn mry Jmn-Rʿ nb nswt Tȝwy ḫnty Jpt-swt dw ʿnḫ ḏd wȝs mj Rʿ ḏt
Système d’Indexation des Textes Hiéroglyphiques (SITH)
