KIU 9153, 4
Époque ptolémaïque / Ptolémée Sôter II / Temple de Khonsou, Sanctuaire de la barque / Porte principale / Montants extérieurs
KIU 3938, 1
Époque romaine / Auguste / Temple d’Opet, Face extérieure sud / Soubassement / 2e registre
ʿnḫ ḥr Ṯmȝ-ʿ-ḥw-ḫȝswt-wr-pḥty-nḫt-Bȝqt-ḥqȝ-ḥqȝw-stp~n-Nwn-wr rd⸗tw n⸗f jȝwt nyt Šw nst nyt Gb jṯ~n⸗f jmyt-pr nyt Wnn-nfr-mȝʿ-ḫrw ʿq⸗f Tȝ-mrj hrw⸗w mnfȝt m ḥʿʿwt nṯrw nṯrwt jṯ m sḫm⸗f mj Rʿ psḏ m ȝḫt sr~n⸗f hȝw ʿšȝ ẖr nfrw ḫw~n⸗f ʿwt nṯryt smn~n⸗f hpw mj Ḏḥwty ʿȝ ʿȝ sbty m bjȝyt ḥȝ Bȝqt jr~n⸗f ẖnw ʿȝ wr r Hrm nswt bjty [nb] [Tȝwy] [Ȝwtkrtr] [sȝ] [Rʿ] [nb] [ḫʿw] Kysrs ʿnḫ ḏt nṯr nfr ḥqȝ m pḏt psḏt nswt nsyw nyw ḫtmn tȝ r-ȝw⸗f m nḏt n kȝ⸗f jty n wn ḥr ḫy⸗f stp~n [...] n⸗f [...]⸗f [...] sjȝ ḫnt ẖt n pr⸗f m swḥt ṯn sw šȝw ḥr msḫnt⸗f jwʿ mnḫ [...]⸗f [...] ḥqȝ psšty ḫnp wrrt ʿḥʿ m nswt sgrḥ tȝ dr bṯnw⸗f ḥȝ Wȝḏ-wr nmt Šʿy ḫb jnw m Tȝwy-Sṯt ṯmȝ ʿ nb pḥty sḫr ḫftyw⸗f jr ȝḫw n nṯr⸗f rʿ nb nrw⸗f sḫm m-ḫt Ḥryw-šʿy ḥryt⸗f pẖr m Ḫnty-š qȝ rn pw pḥ~n⸗f ḥrt bȝw⸗f sn⸗tj m-ḫt Tȝwy rwḏ ȝm~n⸗f bȝgsw mȝj [...] m ȝt⸗f nḏty mnḫ ny jt⸗f Wsjr dr mḥ ny mwt⸗f Ȝst nḫw nfr ny Jdbw-Ḥr m [...] nṯrw nṯrwt [...] jn pḥwy [...] ... [...] Kysrs [ʿnḫ] ḏt jr~n⸗f mnw⸗f n jt⸗f šps Wsjr Wnn-nfr-mȝʿ-ḫrw nswt nṯrw mwt⸗f Jpt wrt mst nṯrw bẖ sȝ⸗s nṯr ... ? wḥʿ~n⸗f wȝwȝt m ḥwt-nṯr Jpt wrt m jnr ḥḏ nfr ny ʿȝt rwḏt sʿḥʿ~n⸗f jwnn⸗sn ḏsr~n[⸗f] ȝḫt⸗sn ? smnḫ~n⸗f ḥwt-nṯr⸗sn qȝ⸗s r nfr wsḫ⸗s r mnḫ jrw⸗s nb r-tp-ḥsb ḏsr⸗tj m nbw qn⸗tj m ẖkrw sẖkr⸗tj m ʿȝwt špswt ʿȝwy⸗s m ʿš nfr ny Ḫnty-š nbd m ḥmt Sṯt ḫpww jryw m ḏʿm mȝwt⸗s tkn r ḥrt ḫt m sš m jrt r nfr ȝẖʿ r mnḫ m kȝt qsty ḥwt-nbw jm⸗s r ms ʿẖmw r grg ḫmw m gsw-prw sʿḥʿ~n⸗f sšmw nyw nṯrw nṯrwt m jwnn nb m-ḫnt Jdbw-Ḥr [...] ... [...]
KIU 3946, 1
Époque romaine / Auguste / Temple d’Opet, Face extérieure nord / Soubassement / 2e registre
ʿnḫ ḥr Ṯmȝ-ʿ-ḥw-ḫȝswt-wr-pḥty-nḫt-Bȝqt-ḥqȝ-ḥqȝw-stp~n-Nwn-wr rd⸗tw n⸗f jȝwt nyt Šw nst nyt Gb jṯ~n⸗f jmyt-pr nyt Wnn-nfr-mȝʿ-ḫrw ʿq⸗f Tȝ-mrj hrw⸗w mnfȝt m ḥʿʿwt nṯrw nṯrwt jṯ m sḫm⸗f mj Rʿ psḏ m ȝḫt sr~n⸗f hȝw ʿšȝ ẖr nfrw ḫw~n⸗f ʿwt nṯryt smn~n⸗f hpw mj Ḏḥwty ʿȝ ʿȝ sbty m bjȝyt ḥȝ Bȝqt jr~n⸗f ẖnw ʿȝ wr r Hrm nswt bjty nb Tȝwy Ȝwtkrtr sȝ Rʿ nb ḫʿw Kysrs ʿnḫ ḏt nṯr nfr sȝ sḫm spȝwt [...] sȝ-mry⸗f ny Wnn-nfr-mȝʿ-ḫrw sḫm⸗f ʿnḫ jmytw ʿnḫw snn⸗f wḏʿ m ḏt⸗f nb nrw wsr fȝw ʿȝ snḏ m jȝwt ḥrywt-jb bs~n Rʿ r st nyt jt⸗f r jṯ ḫʿw nyw wtṯ sw rd⸗tw n⸗f jmyt-pr nyt šnw m pt ḥqȝ ny tȝ mj qd⸗f ʿȝ ny bnw ḫrp Wȝḏ-wr wḏ mdw m Tȝwy-fnḫw kȝ pr-ʿ ḫns n⸗f ptrj
Système d’Indexation des Textes Hiéroglyphiques (SITH)
