KIU 1992, 1
Époque ptolémaïque / Ptolémée Évergète II / Temple d’Opet, Salle sud / Frise
ʿnḫ tȝ ḏr⸗f mj⸗n m hy sȝ-tȝ sn tȝ n nbt Tȝwy Ȝst wrt mwt nṯr jrt Rʿ nbt pt ḥnwt nṯrw nbw ȝbd nfr pt tȝ m ršwt Wsjr m ḥb nṯrw m ḥʿʿwt hy hnw m-ẖnw Jpt-swt ḥwt-wtṯ nyt Wnn-nfr-mȝʿ-ḫrw m ʿq Jwnw m ršwt Mḫȝt-Tȝwy ḥr mȝʿw P Dp m ȝwt-jb Tȝwy m ṯḥḥwt ms Ȝst sȝ⸗s Ḥr ḫrw⸗s pḥ⸗f r pt nṯrw nṯrwt jw r mȝȝ⸗s nṯrw dmḏ m-ẖnw ȝḫt jw Ḏḥwty H̱nmw m-ḥȝt jryw Nḫbt Wȝḏyt Msḫnt ḥr jrt jrw⸗sn Ḥwwt-Ḥr m sȝ⸗f ȝwt-jb nyt Rʿ n ... ? m ẖt⸗s jw r tȝ sw pr m sfy šps m bjk ny nbw ḥtp ḥr srḫ ẖnm~n⸗f ȝtf jṯ~n⸗f wrrt ḥr tp⸗f ḥqȝ~n⸗f P smn~n⸗f nst⸗f m Wȝst nḫtt m nswt nṯrw r nḥḥ d⸗sn ḥḥ ny ḥbw-sd n nswt bjty Jwʿ-ny-nṯrwy-prwy-stp~n-Ptḥ-jr-Mȝʿt-Rʿ-sḫm-ʿnḫ-Jmn pȝ nṯr mnḫ mj Rʿ ḏt
KIU 4209, 1
Époque romaine / Auguste / Temple d’Opet, Face extérieure est / Soubassement / 2e registre sud
ʿnḫ ḥr Ṯmȝ-ʿ-ḥw-ḫȝswt-wr-pḥty-nḫt-Bȝqt-ḥqȝ-ḥqȝw-stp~n-Nwn-wr ḥʿw ʿnḫ ny sȝ Wsjr snn⸗f wḏʿ m ḏt⸗f pȝ~n⸗f wḏ mdw mj nswt nṯrw ḥn~n⸗s jdbw m jrt jȝw ḏd~n⸗s wȝḏty wd m tp⸗f sṯn ḥȝt⸗f m wrty šsp~n⸗f sḫmty m ḥqȝ nb hmhm snsn nms ẖr ȝtf ḥr bnbn ḥryt-tp m nb wrty ḥqȝ~n⸗f jdbw m ḫrp mḥnyt šsp~n⸗f sḥn ḫʿ⸗tj ḥr-jb nst mj Ḥr ḥr tȝ jr … n ḥḥ … stp~n … n … wr nfr n … wḏb~n⸗f jdbw ḫnt [...] ... [...] ẖrdw ? [...] ... [...] Kysrs ʿnḫ ḏt mry Wsjr Wnn-nfr-mȝʿ-ḫrw nswt nṯrw psḏt ʿȝt jmyw pr Jpt-wrt nṯr nfr mk jtrty sȝw ḫmw mk ʿẖmw smnḫ ḥwwt-nṯr ẖr sšmw⸗sn jm ? … bsw⸗sn sʿḥʿ~n⸗f ḥwt n jt⸗f šps nb wʿ Wsjr Wnn-nfr-mȝʿ-ḫrw qȝ⸗s r nfr wsḫ⸗s r mnḫ nn jr mjtt ḏr pȝwt nb n ḥmww tpyw n wnwt⸗sn pḫȝw jbw jqrw ḏbʿw jr~n⸗f sw n jt⸗f m ḏbȝw ny dwȝt ḥtp kȝ⸗f m šṯyt m-ḫnt⸗s d~n⸗f ḫʿ ḥr srḫ mj Ḥr ḥqȝ jdbw jṯ~n⸗f ḥb-sd n ḏt
Système d’Indexation des Textes Hiéroglyphiques (SITH)
