KIU 4205, 1
Époque romaine / Auguste / Temple d’Opet, Face extérieure est / Soubassement / 1er registre nord
hrw pn nfr ḫpr⸗tj m njwt jy Nfr-tm ḫpr m Jpt-swt pr rȝ⸗f wny m-ḫnt Jrt-Rʿ ḏr wn nfrt m Bnnt Wsjr wbn m-ẖnw Wȝst sḥḏ~n⸗f Tȝwy m-ḫt snkt Ḫmnyw wrw jr n⸗f jȝw psḏt pȝwtyw dmḏ ḥnʿ⸗sn pt m ḥb tȝ m mfk gsw-prw st m ṯḥn nṯrw m hy nṯrwt m hnw ḥnmmt m sȝ-tȝ nhm m Jnb-ḥḏ qȝ ḫrw m Jwnw pr ḫrtw ḥr tȝ m Wȝst nḫt ršwt m Wnw ṯḥḥwt m Ḥwt-nn-nswt nhm ʿȝ m-ḫnt Ḥȝt-mḥyt jȝw m Ḏdw sȝ-tȝ m Tȝ-wr ȝwt-jb ḥr jȝwt m Km-wr Bȝst m ḥʿʿwt Fʿg m wnf-jb jr⸗tw hnw m Nt Ḫm m wp sȝ ʿȝ m Šdnw spȝwt Wsjr m ḥb ḥknw ksks ḫpr Tȝwy m ršwt ms⸗tj nb jtrty Wsjr Wnn-nfr-mȝʿ-ḫrw ḥtp⸗f m pr⸗f ḫnty mks ẖnm~n⸗f ḫm⸗f ḥtp⸗f ḥr mnw pn nfr jr n⸗f nswt bjty Ȝwtkrtr gm~n⸗f pr Jpt-wrt jqr⸗tj m kȝt⸗f mnḫ m jrw⸗f nb pḏ šs jm⸗f jn ḥmt nyt Sšȝt wrt ḥqȝw ḫntyt pr-mḏȝt swȝḥ ẖss⸗f jn Ḫmnwy sʿḥʿ jfdw⸗f jn Skr ḫws jn H̱nmw m ʿwy⸗f ḏs⸗f n Wsjr Wnn-nfr-mȝʿ-ḫrw nswt nṯrw m … sȝ⸗f mry⸗f sȝ Rʿ nb ḫʿw Kysrs … ḥr rn ny kȝ⸗f mr sw nṯr ʿȝ ḥr mnw⸗f mtn⸗f sw m nsyt ḥr st Ḥr ḫʿ⸗tj m nswt bjty nb Tȝwy ḫnt ʿnḫw ḏt
KIU 4227, 1
Époque romaine / Auguste / Temple d’Opet, Face extérieure sud
hy m pt hnw m tȝ ẖrt-nṯr m ḥknw Wȝst m ršwt njwt m mk Jpt-swt m ȝwt-jb Jrt-Rʿ ? m ḥb Wḥʿ-tȝ m ṯḥḥwt Ḥwt-kȝw-Ptḥ m mfkȝt Šn-wr [...]-wr m msḫȝ Srq m tfn ḫtmn r-ȝw⸗f st m ṯḥnt gsw-prw m ḫntš jtn wbn m-ẖnw ny Wȝst Wnn-nfr-mȝʿ-ḫrw pr r ḥȝ d sw mwt⸗f r tȝ ḫnt ḥwt-nwdt⸗f mj wȝwȝw ny jtn ? …~n⸗f nnt mj nb [...] ... [...] sw ? r ḥrt m … ny ʿḥʿy Nwt m gbt ẖr⸗f ḥtp⸗f m ʿnḫt jmytw Mȝnw m-stj ny ḥwt-msḫnt⸗f wḥm⸗f msḫʿ tp dwȝw rʿ nb m Bȝẖw ḫnt Ḥwt-Jpt-wrt mstyw nfr ny smsw ny psḏt ḥqȝ nst ny nṯr Jr-ṯȝw wḥm-ʿnḫ pr m qrrt nwn wr sʿnḫ wnnyw nb wṯst ḥqȝ ʿnḫw sqd bȝktyw ḥr wḏt⸗f ʿpy ? wr pr m Bȝẖw wnf ḥr-nb n dgt⸗f jwn-ḥʿʿ wbn m ḏȝw ʿbȝ Tȝwy m-ḫt snkt ḥr-tp~n⸗f Tȝ-šmʿw m njwt nyt Wsjr wṯs⸗w nfrw⸗f m Ḥnwt njwwt Wsjr Wnn-nfr-mȝʿ-ḫrw nswt nṯrw jwʿ ny Gb pr m Nwt jr⸗tw n⸗f srḫ snḏ m-ḫt spȝwt Tȝ-šmʿw sn-tȝ m njwwt Tȝ-mḥw srq ḥtyt nbt ʿnḫ⸗sn jm⸗f bs wnnt nbt m ḏt⸗f bẖ⸗tw⸗f m Wȝst mst nṯrw ḥts⸗tw⸗f m Jnb-jty wnn⸗f m Jwnw Wḥʿ-tȝ ny Jtm st …
Système d’Indexation des Textes Hiéroglyphiques (SITH)
