KIU 5222, 1
XIXe dynastie / Séthi Ier usurpé par Ramsès II / Salle hypostyle, Architraves / Travée centrale
[...] ... [...] [ḥr-nbw] Wsr-rnpwt-ʿȝ-nḫtw nswt bjty ḥqȝ ȝwt-jb nb Tȝwy Wsr-Mȝʿt-Rʿ-stp~n-Rʿ nswt nḫt ṯs tȝ m sḫrw⸗f mn sw m spw nfrw smn Mȝʿt ḫt jdbwy jr hrrwt nṯrw nbw jwʿ mnḫ ḫpr n Kmt r ṯs tȝ m sḫrw⸗f r smn Mȝʿt r st⸗s r grg jdbwy r smnḫ ḫmw nṯrw r mst [...] ḏd~n⸗sn r⸗f jw⸗f m swḥt jw⸗f [...] ... [...]
KIU 4281, 32
XIXe dynastie / Mérenptah / Cour du VIIe pylône - « Cour de la cachette », Paroi intérieure est / Partie sud
KIU 4607, 1
XXe dynastie / Ramsès III / Temple de Ramsès III, Extérieur / Mur ouest / Soubassement
ʿnḫ ḥr Kȝ-nḫt-ʿȝ-nsyt nbty Wr-ḥbw-sd-mj-Tȝ-ṯnn ḥr-nbw Wsr-rnpwt-mj-Jtm jty mk Kmt wʿf ḫȝswt nswt bjty nb Tȝwy nb ḫpš Wsr-Mȝʿt-Rʿ-mry-Jmn sȝ Rʿ ny ẖt⸗f mry⸗f nb ḫʿw Rʿ-ms-sw-ḥqȝ-Jwnw nṯr nfr sḫm pḥty pr-ʿ mj Mnṯw wn ḥr rs-tp sḫr nb m sḫ qn ḫpš⸗f nḫt jb⸗f wsr n ʿḥʿ r ḥȝt [⸗f] mnj⸗f Kmt m sp mnḫ d⸗f s nb m st⸗f grg⸗f dmjw nyw tȝ nb d⸗f ḥtpw m Tȝ-mrj nswt bjty wʿ mrr⸗f qn jty ḥtp nḫt nb Tȝwy Wsr-Mȝʿt-Rʿ-mry-Jmn sȝ Rʿ mry nṯrw nb ḫʿw Rʿ-ms-sw-ḥqȝ-Jwnw dw ʿnḫ [mry] Jmn-Rʿ ḥtp ḥr mnw⸗f [...] m [...]-jb [...] ... [...] Jmn [...] m šps jmyw⸗f m ḥʿʿwt mȝ⸗sn mnw nfrw wrw jr~n nswt bjty nb Tȝwy nb jrt ḫt Wsr-Mȝʿt-Rʿ-mry-Jmn sȝ Rʿ ny ẖt⸗f [...] nb [ḫʿw] Rʿ-ms-sw-ḥqȝ-Jwnw [...] ... [...] nb ḫpš Wsr-Mȝʿt-Rʿ-mry-Jmn sȝ Rʿ nb ḫʿw Rʿ-ms-sw-ḥqȝ-Jwnw mry Jmn-Rʿ nb nswt Tȝwy ḫnty Jpt-swt ȝw jb⸗f ḥnʿ kȝ⸗f mj Rʿ ḏt
KIU 8490, 1
XXIe dynastie / Hérihor / Temple de Khonsou, Cour / Moitié ouest / Architrave 2.o
ʿnḫ nṯr nfr jty ny stp sȝ Jmn ḥr nst⸗f ms~n⸗f r nbnb Kmt r grg Tȝwy m-wḥm nswt bjty sḥb [Bnnt] sḥtp nṯr jmyt⸗s nb Tȝwy Ḥm-nṯr-tpy-ny-Jmn sȝ Rʿ sjʿr mȝʿt sḥtp Rʿ nb ḫʿw Ḥry-Ḥr-sȝ-Jmn nswt wr mnw ʿšȝ bjȝyt sʿȝ pr Ḫnsw m Wȝst n ḏt d wnn⸗f m ḥb n rʿ nb nṯrw nbw d n⸗f ḥbw-sd ḥr ḫw⸗f m ʿnḫ wȝs mj jt⸗f šps nswt bjty nb Tȝwy nb ḫpš nb jrt ḫt m pr jt⸗f Ḥm-nṯr-tpy-ny-Jmn sȝ Rʿ ny ẖt⸗f mry⸗f nb Tȝwy nb ḫʿw Ḥry-Ḥr-sȝ-Jmn mry Jmn-Rʿ nb nswt Tȝwy dw ʿnḫ ḏt
KIU 8495, 2
XXIe dynastie / Hérihor / Temple de Khonsou, Cour / Moitié est / Architrave 2.e
ʿnḫ nṯr nfr qn ḥr rs-tp [...] jr mnw ḥr mnḫt [...] st ȝḫt jr pr jt⸗f mj ȝḫt pt nḏ ḥr ms sw m jrt mȝʿt grg Wȝst mj pt r ḏt nswt bjty [mry] nṯrw dwȝ psḏt nfrw⸗f sḥtp jb ny jt⸗f Ḫnsw nb Tȝwy Ḥm-nṯr-tpy-ny-Jmn sȝ Rʿ mry Bȝw Jwnw nb ḫʿw Ḥry-Ḥr-sȝ-Jmn dw ʿnḫ nswt nḫt jr ȝḫt mnwy ʿšȝ bjȝyt sḫrw⸗f nbw ḫpr⸗sn ḥr-ʿwy mj jt⸗f Ptḥ rsy jnb⸗f sḥḏ~n⸗f Wȝst m mnw wrw n nswt jr jr~n⸗f d⸗f wnn psḏt m ḥb jmy Bnnt m ḥʿʿ nswt bjty ḥqȝ ʿȝ ny Kmt nb Tȝwy Ḥm-nṯr-tpy-ny-Jmn sȝ Rʿ ny ẖt⸗f mry⸗f nb ḫʿw mj Jmn Ḥry-Ḥr-sȝ-Jmn mry Ḫnsw-Nfr-ḥtp jr⸗f dw ʿnḫ ḏt
KIU 4285, 15
Époque ptolémaïque / Ptolémée Néos Dionysos / Temple d’Opet, Salle hypostyle / Porte / Montants extérieurs, 2e registre
KIU 3938, 1
Époque romaine / Auguste / Temple d’Opet, Face extérieure sud / Soubassement / 2e registre
ʿnḫ ḥr Ṯmȝ-ʿ-ḥw-ḫȝswt-wr-pḥty-nḫt-Bȝqt-ḥqȝ-ḥqȝw-stp~n-Nwn-wr rd⸗tw n⸗f jȝwt nyt Šw nst nyt Gb jṯ~n⸗f jmyt-pr nyt Wnn-nfr-mȝʿ-ḫrw ʿq⸗f Tȝ-mrj hrw⸗w mnfȝt m ḥʿʿwt nṯrw nṯrwt jṯ m sḫm⸗f mj Rʿ psḏ m ȝḫt sr~n⸗f hȝw ʿšȝ ẖr nfrw ḫw~n⸗f ʿwt nṯryt smn~n⸗f hpw mj Ḏḥwty ʿȝ ʿȝ sbty m bjȝyt ḥȝ Bȝqt jr~n⸗f ẖnw ʿȝ wr r Hrm nswt bjty [nb] [Tȝwy] [Ȝwtkrtr] [sȝ] [Rʿ] [nb] [ḫʿw] Kysrs ʿnḫ ḏt nṯr nfr ḥqȝ m pḏt psḏt nswt nsyw nyw ḫtmn tȝ r-ȝw⸗f m nḏt n kȝ⸗f jty n wn ḥr ḫy⸗f stp~n [...] n⸗f [...]⸗f [...] sjȝ ḫnt ẖt n pr⸗f m swḥt ṯn sw šȝw ḥr msḫnt⸗f jwʿ mnḫ [...]⸗f [...] ḥqȝ psšty ḫnp wrrt ʿḥʿ m nswt sgrḥ tȝ dr bṯnw⸗f ḥȝ Wȝḏ-wr nmt Šʿy ḫb jnw m Tȝwy-Sṯt ṯmȝ ʿ nb pḥty sḫr ḫftyw⸗f jr ȝḫw n nṯr⸗f rʿ nb nrw⸗f sḫm m-ḫt Ḥryw-šʿy ḥryt⸗f pẖr m Ḫnty-š qȝ rn pw pḥ~n⸗f ḥrt bȝw⸗f sn⸗tj m-ḫt Tȝwy rwḏ ȝm~n⸗f bȝgsw mȝj [...] m ȝt⸗f nḏty mnḫ ny jt⸗f Wsjr dr mḥ ny mwt⸗f Ȝst nḫw nfr ny Jdbw-Ḥr m [...] nṯrw nṯrwt [...] jn pḥwy [...] ... [...] Kysrs [ʿnḫ] ḏt jr~n⸗f mnw⸗f n jt⸗f šps Wsjr Wnn-nfr-mȝʿ-ḫrw nswt nṯrw mwt⸗f Jpt wrt mst nṯrw bẖ sȝ⸗s nṯr ... ? wḥʿ~n⸗f wȝwȝt m ḥwt-nṯr Jpt wrt m jnr ḥḏ nfr ny ʿȝt rwḏt sʿḥʿ~n⸗f jwnn⸗sn ḏsr~n[⸗f] ȝḫt⸗sn ? smnḫ~n⸗f ḥwt-nṯr⸗sn qȝ⸗s r nfr wsḫ⸗s r mnḫ jrw⸗s nb r-tp-ḥsb ḏsr⸗tj m nbw qn⸗tj m ẖkrw sẖkr⸗tj m ʿȝwt špswt ʿȝwy⸗s m ʿš nfr ny Ḫnty-š nbd m ḥmt Sṯt ḫpww jryw m ḏʿm mȝwt⸗s tkn r ḥrt ḫt m sš m jrt r nfr ȝẖʿ r mnḫ m kȝt qsty ḥwt-nbw jm⸗s r ms ʿẖmw r grg ḫmw m gsw-prw sʿḥʿ~n⸗f sšmw nyw nṯrw nṯrwt m jwnn nb m-ḫnt Jdbw-Ḥr [...] ... [...]
Système d’Indexation des Textes Hiéroglyphiques (SITH)
