KIU 222, 48
XXIe dynastie / Siamon / Cour du Xe pylône, Mur est / Paroi extérieure / Partie sud
jr r pr Jmn-Rʿ nswt nṯrw r pȝy⸗w sḫr mtr ʿḥʿ~n wḥm⸗tw [...] ... [...] pȝy⸗j nb nfr wnw ktṯ mdwt jw⸗tw wḫȝ⸗s m-d Ḏḥwty-ms mȝʿ-ḫrw sȝ Sw-ʿwy-Jmn [mȝʿ-ḫrw] pȝ ʿȝ ny pr [...] ... [...] ʿȝ ny pr [...] ... [...] wḏʿ Jmn r-bnr pȝ [...] pr Jmn jmy jn⸗tw⸗f pȝy⸗j ḥtp-nṯr wšd jn pȝ [...] m-bȝḥ pȝ nṯr ʿȝ m ḏd pȝy⸗j nb nfr wnn ktṯ mdwt jw⸗tw wḫȝ⸗s m-d Ḏḥwty-ms mȝʿ-ḫrw sȝ Sw-ʿwy-Jmn mȝʿ-ḫrw pȝ ʿȝ ny pr wšd jn pȝ nṯr ʿȝ ḏd⸗f jt-nṯr ny Jmn ʿȝ ny pr [Ḏḥwty-ms] [mȝʿ-ḫrw] m-bȝḥ pȝ nṯr ʿȝ tȝ mdwt nyt pȝ ḥtp-nṯr ny Jmn j.jr [...]
KIU 222, 50
XXIe dynastie / Siamon / Cour du Xe pylône, Mur est / Paroi extérieure / Partie sud
[...] šnwt n Jmn r pȝy⸗k sḫr mtr wšd [...] ... [...] m-bȝḥ pȝ nṯr ʿȝ m ḏd pȝy⸗j nb nfr wnw ktṯ mdwt jw⸗tw wḫȝ⸗s m-d Ḏḥwty-ms mȝʿ-ḫrw sȝ Sw-ʿwy-Jmn [mȝʿ-ḫrw] [...] ... [...] Ḏḥwty-ms mȝʿ-ḫrw [...] ... [...] wšd wr sp sn jn pȝ nṯr ʿȝ ʿḥʿ~n wḥm⸗tw [...] ... [...] pȝy⸗j nb nfr ddy⸗tw m-ḥr n Ḏḥwty-ms mȝʿ-ḫrw sȝ Sw-ʿwy-Jmn [mȝʿ-ḫrw] pȝ ʿȝ ny pr jr [...] pȝ nb nty j.ḏd Jmn j.jr⸗tw mtw⸗tw smn⸗tw⸗f m [...] wšd wr sp sn jn pȝ nṯr ʿȝ ḏdw Jmn-Rʿ nswt nṯrw pȝ nṯr ʿȝ wr [...]
KIU 222, 59
XXIe dynastie / Siamon / Cour du Xe pylône, Mur est / Paroi extérieure / Partie sud
šps nb nṯrw Jmn-Rʿ nswt nṯrw Mwt Ḫnsw [...] ... [...] m ḥb⸗f nfr ḥb Jpt jrr n⸗f Rʿ m sp tpy jy jn ḥm-nṯr tpy ny Jmn Pȝy-nḏm mȝʿ-ḫrw sȝ Mn-ḫpr-Rʿ mȝʿ-ḫrw m-bȝḥ pȝ nṯr ʿȝ wšd wr sp sn jn pȝ nṯr ʿȝ nʿy m ḥr⸗f jr ḫnt pȝ [...] m hrw pn ny ḥtp m [...] tȝ [...] m Jpt-rsyt [...] ḥtp [...] ... [...] [ḥtp] [ḥr] [st]⸗f wrt m pr Jmn m Jpt-rsyt sḫʿ jn pȝ nṯr ʿȝ m pḥ-nṯr jy jn ḥm-nṯr tpy ny Jmn Pȝy-nḏm mȝʿ-ḫrw sȝ Mn-ḫpr-Rʿ [mȝʿ-ḫrw] ʿḥʿ~n wḥm ḥm-nṯr tpy ny Jmn Pȝy-nḏm mȝʿ-ḫrw m-bȝḥ pȝ nṯr ʿȝ m ḏd pȝy⸗j nb nfr [...] Ḏḥwty-ms mȝʿ-ḫrw sȝ Sw-ʿwy-Jmn mȝʿ-ḫrw m-bȝḥ⸗k [...] m [...] jw pȝ tȝ jnḥ ? [...] jw⸗k [...] jw⸗k ḏd sw wḏȝ m-bȝḥ⸗j
KIU 222, 60
XXIe dynastie / Siamon / Cour du Xe pylône, Mur est / Paroi extérieure / Partie sud
jw⸗k smn⸗tw⸗f m tȝ jȝwt nyt jt-nṯr ny Jmn [...] ... [...] sḥnw ny pr Jmn ḥry sȝwty sšw nyw tȝ šnwt pr Jmn sš rwḏ ʿȝ ny pȝ ḥm-nṯr tpy ny Jmn r tȝ st nyt Sw-ʿwy-Jmn mȝʿ-ḫrw sȝ Ns-Jmn mȝʿ-ḫrw pȝy⸗f jt wšd jn pȝ nṯr ʿȝ ʿḥʿ~n wḥm~n[⸗f] [sprt] m-bȝḥ pȝ nṯr ʿȝ m ḏd pȝy⸗j nb nfr jn Mn-ḫpr-Rʿ mȝʿ-ḫrw pȝy⸗k bȝk mdw n Ḏḥwty-ms [...] pr Jmn jt-nṯr ny Jmn jmy-rȝ pr jmy-rȝ šnwt sš sḥnw [...] ... [...] mdwt ? jw gm [...] sw jw⸗f n rmṯ ny šȝw m jrr nȝy⸗k sḥnw jw⸗k wḥm [...] jw⸗k smn⸗tw⸗f n tȝy⸗f jȝwt jt-nṯr ny Jmn jmy-rȝ pr jmy-rȝ šnwt sš sḥnw ny pr Jmn ḥry sȝwty sšw nyw tȝ šnwt pr Jmn sš rwḏ ʿȝ ny pȝ ḥm-nṯr tpy ny Jmn wšd jn pȝ nṯr ʿȝ ʿḥʿ~n wḥm~n⸗f sprt m-bȝḥ pȝ nṯr ʿȝ m ḏd pȝy⸗j nb nfr sḏm
KIU 222, 61
XXIe dynastie / Siamon / Cour du Xe pylône, Mur est / Paroi extérieure / Partie sud
r ḏd Pȝ-ms-ḥmw mȝʿ-ḫrw Pȝ[...]-ʿnḫ⸗f mȝʿ-ḫrw sȝ Stẖ[...]-jȝ mȝʿ-ḫrw ḏd jw⸗j ʿš n Jmn ḥr n tȝ jȝwt jmy-rȝ pr jmy-rȝ šnwt sš sḥnw ny pr Jmn ḥry sȝwty sšw ny tȝ šnwt pr Jmn sš rwḏ ʿȝ ny pȝ ḥm-nṯr tpy ny Jmn-Rʿ smn [Ḏḥwty-ms] mʿȝ-ḫrw sȝ Sw-ʿwy-Jmn mȝʿ-ḫrw jm⸗s jr jw⸗f ʿš n Jmn jrw Jmn-Rʿ nswt nṯrw pȝ nṯr ʿȝ [wr] [ny] šȝʿ n ḫpr wn tȝ [...] [mtw]⸗tw smn Ḏḥwty-ms mȝʿ-ḫrw sȝ Sw-ʿwy-Jmn mȝʿ-ḫrw [...] ... [...] sš sḥnw ny Jmn ḥry sȝwty sšw nyw tȝ šnwt pr Jmn sš rwḏ ʿȝ ny pȝ ḥm-nṯr tpy ny Jmn wšd jn pȝ nṯr ʿȝ ʿḥʿ~n wḥm~n⸗f sprt m-bȝḥ pȝ nṯr ʿȝ m ḏd pȝy⸗j nb nfr pȝ ḏd j.jrw Jmn-Rʿ nswt nṯrw pȝ nṯr ʿȝ wr ny šȝʿ n ḫpr smn Ḏḥwty-ms mȝʿ-ḫrw sȝ Sw-ʿwy-Jmn mȝʿ-ḫrw n tȝy⸗f jȝwt [nyt] jt-nṯr ny Jmn jmy-rȝ pr jmy-rȝ šnwt sš
KIU 222, 62
XXIe dynastie / Siamon / Cour du Xe pylône, Mur est / Paroi extérieure / Partie sud
sḥnw ny pr Jmn ḥry sȝwty sšw nyw tȝ [šnwt] [pr] [Jmn] [šs] [rwḏ] [ʿȝ] [ny] [pȝ] ḥm-nṯr tpy ny Jmn ḫpr jw Ḏḥwty-ms mȝʿ-ḫrw sȝ Sw-ʿwy-Jmn mȝʿ-ḫrw pȝy⸗k bȝk wḏȝ m-bȝḥ Jmn-Rʿ nswt nṯrw r tm jrt gb m-ẖnw njwt pȝy⸗k dmj pȝ jry Ḏḥwty-ms mȝʿ-ḫrw [sȝ] [Sw-ʿwy-Jmn] wšd jn pȝ nṯr ʿȝ ʿḥʿ~n wḥm~n⸗f sprt m-bȝḥ pȝ nṯr ʿȝ m ḏd pȝy⸗j nb nfr jr [rmṯ] nb [ny] wnḏww nbw nty jw [⸗f] ʿš ny Jmn ḥr n tȝ jȝwt nyt jt-nṯr ny Jmn jmy-rȝ pr [jmy-rȝ] [šnwt] [šs] sḥnw ny pr Jmn ḥry sȝwty sšw nyw tȝ šnwt pr Jmn sš rwḏ ʿȝ ny pȝ ḥm-nṯr tpy ny Jmn j.d Jmn n Ḏḥwty-ms mȝʿ-ḫrw [...] Ḏḥwty-ms mȝʿ-ḫrw jrw Jmn-Rʿ nswt nṯrw pȝ nṯr ʿȝ wr ny šȝʿ n ḫpr wn⸗tw [...] mtw⸗tw smn Ḏḥwty-ms mȝʿ-ḫrw sȝ Sw-ʿwy-Jmn mȝʿ-ḫrw m tȝ jȝwt nyt jt-nṯr ny Jmn jmy-rȝ pr jmy-rȝ šnwt sš sḥnw ny pr Jmn ḥry sȝwty